أن شاء ألله تعجبكم أشعاري
اخذ يمك گلبنه و بي تهنه
و اكل من زاد روحي و بي تهنه
حبيبي انت اهلنه و بيت اهلنه
و اعز من الاهل طلتك عليه
عليه انشد ياصاحب بعد مابي
وجفن عيوني وشل دمع مابي
اذا تنساني شلي بعمري مابي
شسوي بعمري اذا رحت من اديه
كتلني الشايل اوراقه وكتبه
ولعب بيه الهوى طره وكتبه
لدك اسمك على كليبي واكتبه
ودز الروح لعيونك هديــه
بمعاميلج ولج ياروح صفي
وصار بعيد ذاك الجان صفي
اذكر مره صفك جان صفي
بنفس المدرسه ونلعب سويه
حرت ليهسه احبك هل لساني
وكل ميهل دليلي هل لساني
هلس ولله غيابك هلساني
وصفه جلد وعضم ساتر عليه
شعجب وياك مامقبول عذري
وانت ابن العشاير جمع عذري
حبنا وياك يامدلول عذري
جميل وقيس صار ونهم الية
احجي شما ردت تحجي علي كول
اصيل وما اهم انة عل يكول
جنت هداف شو جابو علي كول
وخسارة عشرتك شوطين هية
يهل تنشد اشلون الحال وشباك
ابهوه ولفي طحت بشراك وشباك
لون واشي ابهوى الخلان وشباك
الف واشي انه التمو عليه
أخوكم سامر الماجدي