سركي وقفل وسوار للكلب سويت
حتى امن يمر طاريك مايعبر البيت
گلي شراح اگلك وانته راح اتروح
وليش اتلح عليه وتنتظــــر ردّي
هذا السان حالي دموعي تحچي وياك
وراح اسكت واحچي ادموعي البخدّي
ماخسران كلشي اتصير لو متصير
روحي بنار حبك عيشة مصرعها
يالطبعك نحل لو عسل لو لدغات
ياهي التصح منك ما نرجعها
شنهو الجمال البيك متنوع انواع@الكمر من لاكاك طك روحه بالكاع
من كد ماحلو محد مشة وياك
والماشاك هم ماظل يماشيك
هوة ماشاف دربة تعثر وطاح
لأن كضاها بس يعاين عليك
حرام أعليك تظلم والبخت موجود
تره رفعة اِمن اديَه وشيله من راســـــي
أدعَي اعليك لمَن يحصل المطلوب
وأدوس اعله المشاعر كلهه واحساسي
يعاتبني الهوى والعتب ياذي الروح
وعجيبة الصدمة منَك وانت أعز ناســي
أنه الضايع جنت وبدربك اِندلَيـــــت
بس اِيبيَن انت امن الظلم ناســــــــــــــي
شفت منچ جرح ما بينت للناس
وآلامي بمحبتچ ما بينتها
هانت هسه عندچ تعب الايام
وخانتني الاحبها وما خنتها
ما فاد الوفى يا گلبي وك خانوك
بعد ذيچ السنين وتعب الايام
اغمض بالعيون وما غفيت بيوم
والخانك بس يغمض ينخمد و ينام
الأربعاء أكتوبر 21, 2009 7:44 am
