أطلب وكولن صار تامرني انته *** عمري من اول يوم باسمك رهنته
صاحو عليه الناس واسمع ولاجن *** كالو خذاه الشوك وهذا الولد جن
لو تدري انه شلون مبتليه بيهم *** عمده من امر يحجون عنك حجيهم
خل تحجي كل الناس بالج تصدكين *** ولايبقى فكرج دوم بيهم تفكرين
لو تدري حالي شلون منبعدك اشصار *** جاكلت عفيه عليج متحمله هالنار
مقصر وحگ عيناك والفكر مشغول *** صدكني ما ناسيك بس شده وتزول
ارد انشد المجروح والجرحة ملتم *** ليش السواد يلوك للما عليه هم
حـط باللبن تيـزاب مجبور أشربه *** بس لا أشوفك يوم تمشي وي غربـــه
هم انته مثلي تغار ويفور دمك *** من تمشي ويه الغير لو بيدي اسمك
من الماي اغار عليك لو لمس خدك *** هيج انا اغار عليلك اي وحك جدك
مثلك ابد ماصار شمبقي للناس *** شايل جمال الكون يل كلك احساس
تتعارك الشبان كله عله موده *** شنهي الجمال البيك طرگاعه سوده
اسهر واعوف النوم واصبحلك عيون *** يل بالعقل موجود نسيانك شلون
مع تحيات أخوكم
سامر الماجدي
الأحد سبتمبر 27, 2009 5:03 am
